ഭരണം മാറിയതൊന്നും വകവയ്ക്കാതെ നാട് കുഴി തോണ്ടുന്ന പണി തുടരുകയാണ് ജൽ ജീവൻ മിഷൻ. പുത്തൻ ടാറിങ്ങുള്ള റോഡ് കുത്തിപ്പൊളിക്കുക, ഫുട്പാത്ത് പൊളിച്ചിട്ട് പൈപ്പിടുക, പൊളിച്ചിട്ടശേഷം പണി പൂർത്തിയാക്കാതെ നാട്ടുകാരെ വട്ടംചുറ്റിക്കുക, പൈപ്പിട്ടാലും മുകളിൽ കോൺക്രീറ്റ് ചെയ്യാതെ മഴയത്ത് ചെളിയിൽ റോഡിനെ മൂക്കുക തുടങ്ങിയ നിരവധി കലാപരിപാടികൾ ഉണ്ട് നാട്ടുകാർക്ക് കുടിവെള്ളമെത്തിക്കാനെന്ന പേരിൽ ഇത്തരം പരിപാടികൾ നടത്തുന്ന മിഷന്. എത്ര വേനൽക്കാലം കിട്ടിയാലും മേൽപറഞ്ഞ പണികളൊന്നും അവർ നടത്തില്ല.എന്നാൽ ഒരു പുതുമഴ പെയ്താൽ അന്ന് തുടങ്ങും റോഡും നാടും കുഴി തോണ്ടുന്ന പരിപാടി. മഴ വർധിക്കും തോറും കുഴി തോണ്ടുന്നതിൻ്റെ ശുഷ്കാന്തിയും കൂടും. നാട് ചളിയിൽ കുളിച്ചാലും മഴവെള്ള മൊഴുകി പൈപ്പിട്ടഭാഗം ഒലിച്ചുപോയാലും
ജൽ ജീവൻ മിഷന് കുഴി തോണ്ടൽ നിർബന്ധമാണ്. നാട് മുഴുവൻ കഴിയാക്കുന്ന പണി മഴക്കാലത്ത് വേണ്ടെന്ന് പഞ്ചായത്ത് പറഞ്ഞാലും കരാറുകാരനും ഉദ്യോഗസ്ഥനും വലിയ സൂക്കേടാണ്. ഇടതുപക്ഷത്തെ സഖാക്കാൾ പറഞ്ഞാൽ അനുസരിക്കും എന്നൊക്കെയായിരുന്നു പഴയ ഉദ്യോഗസ്ഥ നിലപാട്. ഒടുവിൽ ഭരണം മാറി. പക്ഷെ ചില കരാറുകാർക്കും ഉദ്യോഗസ്ഥർക്കും ധിക്കാരം കടിക്കുന്ന സൂക്കേട് തീർന്നില്ല. ആലക്കാടൻ വിജയനെ സിംഹാസനത്തിൻ നിന്ന് ജനം ഓടിച്ചു. എന്നിട്ടും കുഴി തോണ്ടൻ തുടരുകയാണ് ജലവകുപ്പ്. പദ്ധതിയുടെ ഭാഗമായി നടക്കുന്ന അശാസ്ത്രീയമായ കുഴിയെടുക്കലും റോഡ് പൊളിക്കലും മൂലം വിവിധ സ്ഥലങ്ങളിൽ അപകടങ്ങൾ വർധിക്കുകയും, പൈസക്കരയിൽ ഒരു വിദ്യാർത്ഥിക്ക് ജീവൻ നഷ്ടപ്പെടുകയും ചെയ്ത സാഹചര്യത്തിൽ മഴക്കാലം അവസാനിക്കുന്നതുവരെ പുതിയ കുഴിയെടുക്കലും റോഡ് പൊളിക്കലും നിർത്തിവയ്ക്കാൻ ഇരിക്കൂർ എംഎൽഎ സജീവ് ജോസഫ് നിർദേശം നൽകിയിരുന്നു.
എന്നാൽ, ഈ തീരുമാനത്തിന് വിരുദ്ധമായി രാത്രി കാലത്തും അർധരാത്രിയിൽ പോലും ഉളിക്കൽ ടൗണിൽ കുഴിയെടുക്കാനും റോഡ് പൊളിക്കാനുമുള്ള ശ്രമം നടന്നു. ഇത് സജീവ് ജോസഫ് എംഎൽഎ തടഞ്ഞു. പണികൾ നിർത്തിവെപ്പിച്ചു. ജനങ്ങളുടെ സുരക്ഷയെ അപകടത്തിലാക്കുന്ന ഇത്തരം നടപടികൾ അനുവദിക്കാനാകില്ല എന്നാണ് സജീവ് ജോസഫ് എംഎൽഎ പറഞ്ഞു. നേരിട്ട് സ്ഥലത്ത് പോയി പരിശോധിച്ച ശേഷമാണ് പണികൾ തടഞ്ഞത്. മലയോരത്ത് എല്ലാ ദിവസവും മഴചെയ്യുന്നുണ്ട് എന്നതിനാൽ ഇനി റോഡ് കുഴി തോണ്ടുന്ന പണി ചെയ്താൽ നാട് കുളമാകും.ചളിക്കുളമാകും. അതുകൊണ്ടാണ് പണികൾ നിർത്തിവയ്ക്കാൻ ആവശ്യപ്പെട്ടത്.
They said don't dig holes during the rainy season. Jal Jeevan Mission defied them and dug holes even at night. The MLA stopped them
